Cursos de formación: convocatoria 2024 da Deputación da Coruña

O prazo para inscribirse aos cursos da convocatoria 2024 do Plan agrupado de formación continua da Deputación Provincial da Coruña está aberto ata o 8 de maio de 2024

Ata o mércores 8 de maio ás 23:59 horas está aberto o prazo para poder solicitar os cursos que lle gustaría realizar dentro do Plan agrupado de formación continua 2024 que organiza a Deputación Provincial da Coruña.

Estes cursos van dirixidos ao persoal funcionario e laboral das entidades locais da provincia adscritos ao Plan agrupado de formación continua (92 concellos, 4 mancomunidades e 4 consorcios especificados nas Bases do Plan)

As solicitudes só se poderán presentar a través da plataforma telemática Subtel.

Para acceder a esta plataforma deberá ter unha conta de correo activa no Directorio público local. De non tela, solicítea o máis axiña posible na súa entidade a través dos representantes de Administración electrónica ou ben dos interlocutores de formación. A activación das contas no Directorio non é automática polo que se tarda en solicitala corre o risco de que se lle pase o prazo de inscrición.

Toda a información relativa a esta convocatoria está dispoñible na web de Formación https://www.dacoruna.gal/formacion/plan-formacion-agrupado-2024

Na seguinte ligazón pode ver as instruccións de matrícula: https://www.dacoruna.gal/soporte/subtel/solicitud-curso-formacionSe ten dúbidas en relación co funcionamento de Subtel ou o directorio público local, póñase en contacto co CAU no teléfono 981 080 555.

Se precisa algunha aclaración sobre calquera aspecto do Plan agrupado de formación 2024 póñase en contacto coa Sección de Formación nos teléfonos 981 080 824, 981 080 826, 981 080 810.